粟米魚肚羮

小時候出街吃飯，很多時都會點這個，現在，一般街上食店都不太信得過，還是自己家裡做好了．

沙爆魚肚，約一條，預早兩小時以凍水浸軟，（店主話半小時都得，試過，是可以，但浸夠時間會更易變軟），洗淨，煎開小件／圈，先以水煮開約十分鐘至林身，加粟米湯，滾起，加粟粉獻．

這麼簡單的東西，往後大概也不會在街上點了．

辣酒煮花螺

花螺一斤至斤半
蒜蓉　一個
紅辣椒　一隻　（指天椒optional）
葱頭　五個
雞湯　一杯
酒　一杯
豆瓣醬／辣油　一湯匙

花螺洗淨，爆香料頭，加上湯，酒煮，放花螺，滾後約１０－１５分鐘，加香菜上枱．

韮菜餃

端午節，沒有興緻包糉，包餃子當午餐吧．

半斤薄餃子皮，四両(習慣了,五両也包得了)韮菜，15元碎肉，豉油２湯匙，麻油１．５湯匙，生粉１湯匙，胡椒粉小許，水四湯匙，攪好碎肉，韮菜切碎，包好，放湯，又簡單一餐．

煲粥--保暖壺懶人版

自從買左對好保溫的保暖壺後，多左煲粥，有時粟米肉碎簡簡單單又一餐，誰知，最近多左用瑤柱做靚粥後，有人食唔番轉頭，話無落的粥無味咁話．

真係食瑤柱唔知價，餐餐當飯食咩，激死

半ｍｕｇ米，隨意加餸，再加至材料合起總量一公升的容量，煲至大滾，移入一公升的保暖壺中，兩三小時後，會變成香噴噴的粥，略加調味又一餐了．

皮蛋瘦肉
粟米肉碎
南瓜肉碎
黑米,雜米,薏米,肇實,蓮子,芝麻,白背黑木耳

千島蘑菇薄餅

 

 

外邊吃的比薩，除了最貴價的一兩間外，油多，鹽重，部份更有msg，大量使用平價凍肉，實在不太喜歡．若有時間，還是自家製較安心，吃的亦相對健康．

兩個９”批
餅底：
高粉    ３００ｇ
yeast    3/4t
鹽        1/2t
糖        1/4t
牛油       1 1/2t
水　150ml，天氣乾燥，請自行添加

餡
mozzarella cheese 100g
千島醬／茄膏　適量
青椒　一個切條
中型洋葱　半個切條
進口蘑菇　半盒　（約五大粒）切片
火腿　　三片（方形）切絲

高粉，yeast，糖，鹽，水搓成不黏手麫團，再加牛油打至少量起筋．發酵一小時．
粉團分成兩等份，搓圓，第二次發酵30-45 分鐘．
批盆上油，粉團做成同批盆大小，用义义小孔，掃一層薄醬汁，加芝士，放餡料，加鹽，黑椒，少量香草．
200 度入爐，焗18-22分鐘．
出爐後放放涼架．

若一次兩個份量太多，可先包保鮮紙放雪櫃下格，可以放一天時間再拿出來焗．時間加1-2分鐘．

栗子炆雞

是日放工後才得知要煮飯，上午不但沒去買菜，街市亦將近收市，能買到可選擇的材料少得可憐．

見栗子是當時得令，收檔前又平賣，好，一於來個時間競賽．要了兩份栗子，到超市買了隻雞，回家大戰去．

其實雞和栗子的處理不難，難在要準時開餐．幸好中午已煲好老火湯，又洗好菜．回來第一件事是開火翻熱，等待期間，先處理好隻雞：去頭頸腳肥膏後，切件．洗淨後，加酒，豉油，胡椒粉，栗粉醃．浸冬菇，切料頭：薑片，蒜片，葱頭去皮開四，葱段．冬菇軟後加生抽醃．

栗子去殼去衣，大約用了大半磅肉，其他的明天再處理．

下油爆雞件至微黃，撈起．爆料頭，冬菇，下雞，粟子炒勻加水調料煮滾後細火２０分鐘．

冰鮮雞　一隻
栗子        半磅
蒜片　　４粒
薑片　　４片
乾葱頭　４粒
葱段　　１棵
醃雞料：酒　2T，栗粉　２T，胡椒粉 0.5t，鹽　1t
調料：糖 2t，生抽　２T，蠔油　2T，水１杯

便宜之選:炒大豆芽

今日攪攪新意思，很久沒吃大豆芽了，買了半斤，再到菜檔多買青紅辣椒一隻做配菜，加起來才六元．（原來計錯數，合共７元才對，辣椒貴過豆芽，直情係妹仔大 過主人婆啦）．摘好芽菜，辣椒切絲，加些蒜頭作料頭，東西處理好後下班回來起鑊，炒香芽菜加水煮約十分鐘，加辣椒炒至乾身，調味，簡單便宜又富蛋白質的一 道菜就完成了．多炒個菜心，男生不用減肥，多加一小份梅菜蒸肉餅，不計早上的準備工夫，回家半小時有飯吃．

青豆角炒肉鬆

最近逢星期日都要上西餐班，在家時也沒有太大動力大興土木，較多吃簡單家常小菜，也是作個平衡．有人病了，今天上午休息，那快手做個便飯吧．

家中還有半斤菜心苗，自己先在厨房打點，着病人到藥房買化痰素念慈奄時，順手買扎青豆角，攪碎豬肉．聽到只買這麼一點點餸，好像有點訝然．是呀，平日要煲湯要買水果的日子，是要預先寫紙仔，帶手拉車出去的．青炒菜心，青豆角肉鬆，加兩個荷包蛋又一餐了．

先求其醃好豬肉，多加了少許生粉和水攪勻，滑些麻．太久沒炒青豆角了，切豆豆時忘了要切少許薑蓉和蒜蓉，到落鑊時才想起，隨他吧，當作有人病吃清淡些許也好．見餸的份量比較多，煮多一點白飯，留好飯盒，自己的晚餐又有着落了．

晚上放工回來經過露天街市，檔口臨收檔，可能又要防備明天新大型超市開張，$5兩大份菜心苗，加起來有一斤半呢！

懶人住家菜

今日公司多了點麻煩事，比原定離開時間晚了太多，起初還在想回家疏洗後到銅媭鑼灣吃晚飯順道逛逛誠品的，後來經過街市，改變主意了，大家都累，留在家煮餐簡單的好了．

買 了斤菜心苗，一條黃立倉，四両草菇，再拿下蘋果，一大塊涼粉，片糖，很重呀．草菇炒豆腐，昨天眼花花，本打算買豆花給人解饞，誰知卻買了滑豆腐．今天卜就 先解決它．豆豉蒸倉魚，清炒菜心．上樓後，一小時內開飯，飯後還有涼粉吃呢．想起來，好像有十多年沒有在家自己切涼粉了．節省時間，不做糖水了，就伴糖醬 和煉奶吃．

吃飽飽就在家休息，練笛．結他要練的十個chord 還沒有背熟呢．

煎蠔餅

蠔仔　街市一份（一細ｄａｕ），約十元？
蛋　　三隻
葱花　兩棵
鹽，胡椒　適量
下次做，要加埋：
水　半杯
粟粉／蕃薯粉　２湯匙

先以食譜外的粟粉洗淨蠔仔，打好蛋，將材料攪均．
燒紅鑊，落油，落蠔仔糊，耐心等一邊煎到出煙有些少焦，再反轉煎另一邊．
註：聽說用鴨蛋才會香

勝瓜魚頭豆腐湯

勝瓜　半斤，滾刀法切件
板豆腐　一件，切件
魚頭　一個
滾水　１升
薑　　２片

１．魚頭洗淨，上生粉，用油煎香表面，加薑片．
２．加滾水，豆腐
３．滾起，下勝瓜，轉大火，滾１５ｍｉｎ至奶白色
４．加鹽

薑葱蠔煲

蠔　一桶，或街市大隻的一斤
薑　１０大片
蒽　３－４棵，切段
豆卜　約６－１０個，開邊
乾蒽頭　２個，切片

１．蠔洗淨，可用生粉或蘿蔔蓉洗淨，洗後加小量生粉封面．
２．用厚煲（如瓦煲，我用lago）因其比潛熱較大，加適量油，爆香薑，乾蒽．
３．料頭撥開一邊，加蠔，略煎至金黃色，加一兩湯匙水／上湯，豆卜，加蓋，煲滾．
４．加蒽，豆粉水，收乾汁．

食譜：豉椒炒蜆

２人份
沙蜆　一斤　（要預先吐沙）
蒜頭　四瓣
豆豉　一湯匙
蒽　　２條　切段
辣椒　２隻
油　　適量

水　　５０ｍｌ
生抽　１茶匙
生粉　１／２茶匙

１．蒜頭豆豉拍成茸，備用
２．沙蜆飛水至半開，盛起備用
３．燒紅鑊，下油，爆料頭，沙蜆回鑊，炒至全開
４．下蒽，辣椒，埋獻，
５．炒勻，上碟

光波鹽焗雞

朋友vivi lam 的靚雞，
她說：其實只係用咗D盬焗雞粉加椒鹽海鹽同埋小小生抽，酒腌一晚，之後用熱波爐焗約三十分鐘即成，整咗兩次都好ok，D仔好鐘意食呢！
咁容易，真的要找日用焗爐試一試先得．

食譜：泰式炒花甲－檸檬蘿勒

花甲　約12両
蒜　半個　切碎
葱　一棵　切碎
碎辣椒乾　1t

九層塔葉（可購自泰式香料店）　約１５－２０片　（改為用自種檸檬蘿勒）

鹽　少許
白酒　２T
胡椒粉　少許
蠔油　optional

蜆洗淨，熱油鑊，下一半蒜蓉
蒜容香後，蜆與其他炒料同下
蜆開後，加調味料略炒
熄火，加蘿勒同炒，起

食譜：焗香茅雞翼

雞翼一磅
香茅２根
鹽適量　（約0.5t）
香茅先剪碎再連鹽同放石磨中磨碎至出味
加入己解凍雞翼中醃最少４小時．

焗爐２４０度焗約２０分鐘

土匪雞翼

找埋咁多不同版本食譜，當然要集大成，整番次啦．
雞翼解凍後加足香料醃最少４小時，一磅，用了
1.5T 孜然粉
0.5t 辣椒碎
1t 黑椒粉 (受得椒可加更多)
少許　鹽
焗前再加孜然粉，小茴香，黑芝麻在雞翼面

細隻焗２０，大隻２５，焗雞翼要用高溫，２４０度，
先焗底，約一半時間取出反轉，加香料至夠鐘
快ｄ熟先可以銷住肉汁

約有七成似，其餘三成歸因於ｘ仔用炸的，面較乾身較脆，
香料部份應仍有重要香料有待發現
諗下諗下，欠的會不會是花椒／八角呢？

土匪雞翼食譜

七成似x仔土 匪雞翼

醃料: 雞粉、孜然粉、花椒粉、辣椒粉、黑胡椒(即磨)、蒜粉、胡椒粉、味椒鹽、雜香草、麻油、豉油(小許)

做法：把以上所有醃料，醃雞翼醃1小時以上，排好雞翼底向上放於焗爐，上灑黑芝麻，用焗250度焗約5 -8m ins (視於雞翼大小而定)，再反轉面向上灑黑芝麻再焗約10mins，雞皮金黃色即成！

實踐心得

- 由於雪雞翼所以一定要下多些雞粉

- 醃料一定要落孜然粉及花椒粉

- 不要用抄過的芝麻，用未抄過芝麻焗後就很香剛剛好！

- 用高溫焗才可以有外脆內仍有肉汁

- 雜香草在SOGO買, 一罐內有幾種不同香草很好用！可自行加自己喜愛香草！


湖南土匪雞翼 ( I )
材料： 雞中翼500克(約1磅)，孜然粉1湯匙，香蒜粉1茶匙，炒香黑芝麻適量
醃料︰ 雞粉1茶匙，鹽3/4茶匙，糖半茶匙，生抽、紹酒各1茶匙，胡椒粉適量

做法：
1. 雞中翼洗淨抺乾，加入醃料拌勻，醃4小時以上 (如將整碟雞翼放雪櫃醃過夜，更能入味)。
2. 再加入孜然粉、香蒜粉和黑芝麻拌勻(如喜歡可再加適量胡椒粉)。
3. 預熱焗爐至230°C，焗15－20分鐘後即成。亦可用少許油煎表皮至金黃色，再反轉煎底部至熟。

湖南土匪雞翼(II)
材料：雞翼1磅，黑芝麻
調味料：孜然粉3－4茶匙（按個人喜好），糖１茶匙，鹽１茶匙，醬油1.5茶匙，胡椒粉少許

做法：把所有調味與雞翼伴勻醃45－50分鐘，放進焗爐烤熟或用明火煎熟
（入焗爐或煎前放黑芝麻於雞亦面；如想表面更多孜然粉，可在煎的時候再灑上面）

土匪雞翼 (III)
1. 雞翼抹乾水份，用胡椒粉、孜然粉、花椒粉、磨碎黑胡椒、生抽、糖、雞粉、少許味椒鹽和老抽拌勻醃好。
2. 白鑊炒香黑芝麻適量; 預熱焗爐240C。
3. 將雞翼排好並灑上炒過的黑芝麻，放入焗爐8至10分鐘。
4. 將雞翼反轉並再灑上黑芝麻，再焗8至10分鐘至雞皮金黃 + 雞翼全熟即成。

廚神之家---乜仔記土匪雞翼
雞翼兩磅預先解凍
孜然粉　三茶匙
鹽　　　兩茶匙
豉油　　半湯匙
生粉　　兩茶匙
生油　　四湯匙
蒜頭薑　適量

雞翼洗乾淨滴乾水份，加鹽醃半個鐘，之後滴乾水，孜然粉、豉油、生粉、薑蒜拍碎加生油，混合後用手不停楂，令薑蒜出味，最後加入雞翼，不停按摩，直至雞翼 變軟身，醃隔晚就可以煎，煎之前黑芝麻薄薄平鋪碟上，雞翼一邊沾上黑芝麻，平底不黏鑊燒微熱，雞翼沾芝麻面向下先煎，慢火煎，煎至出油，雞翼反面加蓋子續 煎五分鐘熄火再等待五到十分鐘，直至鑊內沒有太多聲向就可鏟起。
建議用大隻雞翼，能夠保全更多汁。

自家製臘腸，烏頭魚乾

自製臘腸recipe:
腸衣(鹽漬) (可在taobao買)
豬肉 (上肉或五花腩30%肥, 70%瘦) : 2.5Kg
白沙糖 : 150g
天津玫瑰露(50度) : 100ml
鹽 : 60-70g
五香粉 : 15g
白胡椒粉 : 20g
姜汁 : 20g

先將豬肉切成1cm丁方.
將調味料lo雲, 倒入豬肉yip 4-5 hours


如圖將豬肉擠進腸衣內



每條用針吉十下八下



曬2-3日, 再風干5-7日


成品


YumYum


臘腸都有防蟲網, 勁! 秋冬起, 呢個要學整喇! 正

２０貼，ｐ．８２，＃１６２６
今日....我都玩左臘腸...辣腸
最難係罐腸,試左3種工具, 漏斗太細,水樽太大,腸會爆同成日跌, 最好最快,係胡椒粉樽,大細剛剛好,好易入!

幾分鐘入左咁多!

成個PK個梅頭俾我掃晒! 切粒切到手軟!

梅頭 加肥肉(PK阿姐話一定要落,佢送俾我架 )
醃料參考花園佬再改.......
糖,改成片糖切碎)
酒, 3蒸梅酒(阿媽話汾酒會好味D)
呀雞媽花椒粉
呀雞媽花辣粉
呀雞媽牌手撕新鮮腸衣(全部用晒,驚用唔用晒,浪費佢既心機.....結果,要十幾斤梅頭 ....共...19孖 )

醃左一晚,因為驚片糖未溶晒

***阿媽話,一定要農曆新年前整,因為有北風,夠凍,D腸先唔會臭及生蟲!

烏頭魚乾
仲話3日食得, 佢仲玩埋臘肉,激死我呀!
不過我唔記得影相

回ck:10條烏頭份量:
買烏頭時同佢講做魚乾，魚佬會同你開背唔係開肚!
回家切左個魚頭佢，反正無肉又驚易生蟲，再清乾淨魚鱗,切魚左條魚尾及魚鰭佢(張相.....佢都無切 ), 清晒肚入面既肥膏及黑色野,
不要洗,
用半斤粗鹽,將10條烏頭底面揸暈, 醃2個鐘後,沖洗乾淨, 格乾水,
落半碗3蒸酒及胡椒粉,底面揸暈,吊起滴乾水,
曬3日,即食得

阿娘話: 元朗圍頭婆教既,唔知好唔好食喎! 不過老豆食完飯都再食多兩塊
個頭同烏頭扣,唔好浪費, 用薑/檸檬蒸左佢 <------我鐘意呢樣多D, 所有扣,我食晒

打風日：炆牛腩去

尋晚掛三號波，在藥材舖未收前買了花椒八角，去了超市買定牛肋條放雪櫃下格解凍，唯獨是沒買到白蘿蔔．
越夜風越猛，吹到呼呼聲，成晚都無咩點瞓過．

凌晨五點幾，電話響．電話另一邊告知已掛八號波，使唔使返公司standby．
又不是民政緊急應變部門，點會編你更呀，當然唔使開工亦唔使番去啦．

八號來臨，係咁二執下ｄ花，又訓過．
十點幾起身，見到roller話今日八號風球將於日間大部份時間懸掛，其實都唔係好信佢．
點都好，處理左ｄ牛腩先啦，今次用兩磅牛肋條，洗好，用薑片出水，備用．
執香料，用左：八角(5粒)，花椒(少許)，桂枝(1條)，香葉(2小片)，果皮(一角)．仲有ｄ冰糖．
唔想洗咁多野，又唔知個風係咪真係掛足成日，全部野用細lago做，
先炒香：落油，爆薑（６片），蒜（７粒拍碎），炒香，落已發水牛肋條，加3T柱候醬，炒香後加紹酒．＜＝柱候醬可以2T，紹酒2T

邊爆料邊煲水，炒好哂野加水至剛過牛腩，落埋香料，冰糖，加壓．＜＝水可以再少ｄ，牛腩炆起會縮細，
原食譜是４５分鐘ｌｃ細火炆，rest 45min，total三循環．
現轉為lago，細火壓１５，rest 30, 細火壓２０，rest ３０，最後才細火收水．

陣間落樓下睇買唔買到白蘿蔔，咩效果先再講．

-----------------------------------------------------------------------------------------------------

頭先落到街市，都有一半檔口有開噃，貨就唔太多，先掃埋最後一條白蘿蔔，
再數埋麫檔的湯河，返到去加埋蘿蔔打算炆多40分鐘，但有人話肚餓了．
好，減時，開蓋２０分鐘收工．煮埋個河粉，等水滾時剪埋ｄ葱，食得．

雖然偷工減時，ｄ肉都已經林跴．蘿蔔都ｏｋ有味，有得咬下咁啦．
今次用了兩磅肉，以為可以分雨餐架，誰知最後只分到三人份，就咁，清左ｌｕ．
食飽飽，坐下，睇下個風幾時落波，希望唔好咁早啦．