食譜：Plain naan bread

（打到這兒，很肚餓呀）

麵粉 200克

依士 7克

糖 10克

鹽 4克

沙律油 30克

水 100克

做法:

1) 依士加入少量暖水開勻先加入麵粉內。

2) 將所有材料 (除了鹽) 搓勻至有彈性而不黏手，發酵30分鐘。

3) 取出分割成每個重50克，此時可以加入調味例如鹽、黑椒及各式香草，搓實再發酵30分鐘。

4) 取出拍平，用麵粉棍輾薄放在焗盆入爐，爐火220度，焗約2分鐘出爐。

注意事項

1) 依士唔好放入雪櫃，如果唔係唔可以發起麵粉。

2) 麵粉唔需要過篩

3) 水唔可以一次過落，要分開幾次，避免太個濕而不能成形。

3) 每次發酵都會發大一倍而且麵粉拉出會起絲才叫發酵成功，如果天氣太凍時可以麵粉糰 (連器皿) 放在暖水上幫助發酵。發酵過程記住用保鮮紙或用濕毛巾蓋住粉糰以保持濕潤。

4) 唔用焗爐焗既，其實可以用易潔鑊烘烤都可以，效果可能仲好過用焗爐。

果仁酥

這些酥類全部都要用豬油，在家做的機會真的不多．
材料 :低筋粉                            600g
糖                                  300g
花生醬                            160g
豬油                               300g
蛋                                    2隻
梳打粉                               4g
臭粉                                  4g
腰果                                適量   (將每粒腰果開半)

裝飾 :
蛋黃                                適量

做法 :1.   將所有材料搓均成粉糰
2.   將麵團分成少份, 搓圓, 然後壓平
3.   掃上蛋黃漿, 加腰果
4.   預熱焗爐以170度火焗15-20分鐘
5.   出爐放涼即可

合桃酥

材料：
ａ．
臭粉　1/4t
梳打粉 1/4t
泡打粉 1/4t
牛奶 2t
蛋 2t

b.
砂糖 40g
低粉 100g
奶粉 30g
生油 30g
固體菜油/豬油 30g
合桃16粒

先混合材料a，待所有粉類溶後，加入砂糖，低粉，奶粉．
最後加入油類．
切伴成小粒充分混和粉類混合物，輕揉成一團．
分成16份，壓平，掃上蛋汁，放上合桃，
175 度入爐，15分鐘後，調至150度，焗8-10分鐘．

奶黃餡

椰香奶皇餡

材料：

麵粉         56g

粟粉、吉士粉    各38g

牛油溶液            115g

砂糖                    150g

雞蛋                    3隻

椰漿                    400ml

做法：

1. 先把所有粉類拌勻(我有過篩)，每次加入蛋一隻，完全拌勻後再加另一隻

2. 加入牛油溶液拌勻

3. 加入椰漿和鮮奶拌勻

4. 倒入大盆中蒸20分鐘至熟

5. 熟後要搓滑(我用筷子完全"抄"鬆)，可把搓好的奶皇餡放雪柜，用時搓成小球狀

動物造型包

 

 

勞動節，在家勞動去．做了兩款包：動物包和綠茶紅豆包．

為何最近咁勤力？因為櫃檯中部份麵粉買了有點時間，又想證明自已有能力handle基本麵包食譜．
那麼，沒時間報班也沒問題了．

食譜 :  (來自專業面包製作)

高粉 : 200 g

砂糖 : 30g

奶粉 : 6g

即溶依士 : 3g  (今日轉用金燕子，真係發得好好多呀）

溫水 : 100g

牛油 : 25 g

旦 : 30g

做法 :

1,依士,溫水先拌勻

2,其他材料同放盆內,之後加入依士水

3,用手將所有材料攪勻,再把面糰倒出放在桌上

4,之後把面糰搓至起筋及能拉出薄膜

5,將巳搓滑既面糰放入巳掃油既盆內

6,蓋上保鮮紙發酵至原來既2倍大

7,發酵好之後取出分割成6-8份

8,滾圓靜止大概15分鐘

9,靜止後取出造你想要既形狀,又或包吞拿魚餡/腸仔

10,完成後作最後發酵至2倍大

11,掃上旦液,以190度焗大約15分鐘即可~

食譜：法式薄餅 crepe

法式薄餅(班戟/可麗餅)

糖       2匙
自發粉   60g
鮮奶     120g
鹽       少少
溶牛油  一匙(我用左菜油,因為方便)
蛋黃     1隻

1. 先將糖、蛋黃、鹽打勻+加已過篩自發粉+鮮奶拌勻

2. 面糊過篩至幼滑，放入雪櫃

3. 整好左個糊,準備下個餡,今日芝士,沙律醬吞拿魚,加D茄汁. 其實好多餡都可以,例如腸仔,火腿,明太子,雞肉等等等, 只要係熟既,唔好太濕都可以試下.

4. 細火,熱左隻易潔煎PAN,唔洗落油,落糊,快手"浪"勻(要快手,落少左可以即刻加)

5. 如食芝士要即落,唔係燶左都未溶

6. 芝士溶就可以加茄汁同其他食材
 
7. 全程細火,見到個邊有少少變色,就代表差唔多起得啦

8. 包好佢,食得~(因為食得太快,唔記得影相,下次補返~)

如果食甜落CREAM 就要起左,攤凍先可以包~!!

新年食品：炸油角

雖然現在只剛踏進初夏，仍有大半年才又是新年，找到在手還是先貼出來，方便到時取用．

份量：30個

材料：
豬油 3/4 杯 （可用現成豬油糕或將豬油爆香取肥油）
白芝麻 75 克
無鹽花生 150 克 （碾碎）
砂糖 230 克
中筋麵粉 1又 1/2 磅
水 約1杯

作法：
1.將花生放入塑膠袋中，用桿麵棍將花生壓碎。
2.先將白芝麻和花生分別在平底鍋裡炒香，然後混合。
3.在另ㄧ大碗裡將麵粉、豬油與水混合。不要揉太久否則麵皮會變得太有嚼勁，麵粉團拿在手中要帶點濕度，柔軟但不沾黏。
4.用麵棍將麵團桿至約2公分的厚度，再用直徑約5公分的圓模子切出圓形餃仔皮。
5.每一片都沾上少許麵粉防止沾黏。
6.再將砂糖拌入芝麻和花生中。
7.將糖粉餡包進餃仔皮中，用手指確實地將縫合處壓緊。
8.然後壓出漂亮的滾邊。
9.油溫約180度，將餃仔炸至淺淺的金黃色就要撈起，然後隔油並冷卻，冷卻需要至少2小時，然後在密封的容器中保存，室溫可放1個月