社區園圃，開田日

2/10，第一次抽中園圃，得知九時抽籤，當然早少少到達啦．
晨咁早八點三出到天后，早餐都未有時間食，坐小巴，話咁快上到去．
朋友原提議坐的士，其實真係唔知點講，手上的長桿有成二米，
坐的士放不下，上山多彎，都咪話不驚．

好似是我們最早到，人影都無個，位於山上，空氣清新，周圍無大馬路，亦清靜．
唯一缺點是沒自來水，無食水提供，只有兩個流動旱厠．
平日行山訓練有素，最多自帶水，小心點，無問題既．
導師未到，先看工作人員May姐，陳小姐開田，學到吓野架．

導師姓楊，等到九時多抽籤，也許她以為所有人都是這區常客，無咩講解，
見唔對路一問，才知這邊做法是由職員抽人名，依順序分配到１－５０號田．
早知這樣抽，就不用大早親身上到來，又空坐著等運到了．

抽完田，到導師講解時間，很有趣是她將公文袋中已有資料：
各種作物的下種及收成時間表，另有成長日數，抽了部份作物來講．
聽聽下，額外資料是有的，但無咩系統，不對路，乘機閃人．
其實若果自己一支公，又唔趕時間，又真係咩都未知，上下都無妨；
但時間不夠用，成班朋友係度，做好自己野先啦．亦明白為何有人話不上堂亦得．

話說回頭，前一晚才得知未買到熟石灰，雖則泡打粉同樣可中和酸性，
但基於石灰的低溶性，還是派朋友到上環走一趟，我們在山上先行努力開墾，
加好肥料待石灰到再混合多一次．

其間見到很多園友落肥好似不用錢似的，更加深要加石灰的決心：
個個咁落肥法，ｄ泥一定偏酸．
辛苦了做跑腿的朋友，其實他都好想玩開田架，
但無計啦，抽中名的不能走，知過程的走不開，下次有田，最多留番哂給佢開呀．

我塊田有好肥好肥的長蚯蚓，不錯，朋友的那邊就有好多上手落左種依家先發的菜苗．
上環菜種行星期日十時才開門，朋友買完很快亦上到黎，叫做玩左幾下，加好石灰，
混合好，耙好，加黑膠袋，起埋幾支長竹，跟住下山吃飯買其他竹去．

原來北角區找個地方飲茶一點都不容易，三四間酒樓，都沒位子．
最後去了城市花園那邊．吃飽飽就往吉吉出發，買好再回山上，
有園友大概剛到達不久，沒預備肥料等東西，沒得開田．
亦有園友不焗田，很快就將培好苗的下土，亦有即日播種的．
下午做好了個架，加好網，個網的絲太幼，要加工具免傷雀鳥，
放了夫水的氣，看看別人的作業，差不多五時，才下山吃下午茶去．

或許明天上午走一趟吧．

社區園圃，傻加固仔日4/10/2011

無經驗，買的網太幼，人同鳥都不易目視，基於不想無辜殺生，今日趕着做補救：
買尼龍繩加到網上，希望大家能看見，免生意外．

到雜貨店買了白色繩，在小巴上有位阿姨見到手上小苗，很有興趣的談起來，
我説不太認得路，誰知她更不清楚，又只顧找我談，幸好及時叫落車，否則就不知會去到哪了．
到達園圃是十二時多，一看，怎麼沒開門的？？？今日應該開放的呀？？
原來門外有指示：１２３０－１３３０是員工午膳時間，不作開放，只怪自己之前沒留意．

等待期間，先做好手作仔：將鋁罐，膠樽及繩先剪好，待會開門就可馬上開工了．
今天的負責人是馮小姐，因為只有我及另一園友在場，談天的時間多的是．
星期一至五負責員工是馮小姐，六日則是程小姐．
如果以為呢兩日落雨，ｄ泥會濕，咁就錯哂喇，乾到呢．簡單淋水在泥方便焗田，
處理好吹到亂作一團的焗田膠袋，放石塊壓好，加好吊物及繩，放好氣，今天工作完成．

下山去了間光顧了十多年的粉麫店，不是特別美味，吃的，大概是一份感情．

打風日：炆牛腩去

尋晚掛三號波，在藥材舖未收前買了花椒八角，去了超市買定牛肋條放雪櫃下格解凍，唯獨是沒買到白蘿蔔．
越夜風越猛，吹到呼呼聲，成晚都無咩點瞓過．

凌晨五點幾，電話響．電話另一邊告知已掛八號波，使唔使返公司standby．
又不是民政緊急應變部門，點會編你更呀，當然唔使開工亦唔使番去啦．

八號來臨，係咁二執下ｄ花，又訓過．
十點幾起身，見到roller話今日八號風球將於日間大部份時間懸掛，其實都唔係好信佢．
點都好，處理左ｄ牛腩先啦，今次用兩磅牛肋條，洗好，用薑片出水，備用．
執香料，用左：八角(5粒)，花椒(少許)，桂枝(1條)，香葉(2小片)，果皮(一角)．仲有ｄ冰糖．
唔想洗咁多野，又唔知個風係咪真係掛足成日，全部野用細lago做，
先炒香：落油，爆薑（６片），蒜（７粒拍碎），炒香，落已發水牛肋條，加3T柱候醬，炒香後加紹酒．＜＝柱候醬可以2T，紹酒2T

邊爆料邊煲水，炒好哂野加水至剛過牛腩，落埋香料，冰糖，加壓．＜＝水可以再少ｄ，牛腩炆起會縮細，
原食譜是４５分鐘ｌｃ細火炆，rest 45min，total三循環．
現轉為lago，細火壓１５，rest 30, 細火壓２０，rest ３０，最後才細火收水．

陣間落樓下睇買唔買到白蘿蔔，咩效果先再講．

-----------------------------------------------------------------------------------------------------

頭先落到街市，都有一半檔口有開噃，貨就唔太多，先掃埋最後一條白蘿蔔，
再數埋麫檔的湯河，返到去加埋蘿蔔打算炆多40分鐘，但有人話肚餓了．
好，減時，開蓋２０分鐘收工．煮埋個河粉，等水滾時剪埋ｄ葱，食得．

雖然偷工減時，ｄ肉都已經林跴．蘿蔔都ｏｋ有味，有得咬下咁啦．
今次用了兩磅肉，以為可以分雨餐架，誰知最後只分到三人份，就咁，清左ｌｕ．
食飽飽，坐下，睇下個風幾時落波，希望唔好咁早啦．

24-25/9/2011 休養生息 ＜下 ＞

依家放假鐘意周街走，買餸都盡可能買兩三餐，星期六晚買定雞亦，又預好菜，第二朝就唔使煩又要買了．
未睡夠就被貓煩醒，醒下瞓下，十一點零起來，第一件事當然係解凍ｄ亦亦啦．
跟手執好香料：小茴香，黑椒，thyme，薑，蒜，辣椒，咩都少少，磨好，加鼓油，糖醬，放佢個零鐘啦．

煮好ｄ菜，豆，烏冬，跟手煎雞亦，簡簡單單又一餐．
在家hea，邊食邊清錄下的無數節目，慢慢食咁就二點了．
煮不難，洗都可以接受，想簡單係附近齊買材料至難．
所謂海魚，多是魚排養魚，凍肉嗎？不出城又無咩好貨色．
更別談嘉美雞類了．菜呢？附近賣的所謂有機菜，有多可信呢？
總之就是煩啦．

人太累了，下午小睡一會，竟仍有人打黎問工事．星期日呀？！
反正給吵醒了，去買些東西存家吧．
下雨天，先買腰果，合桃，腐竹，魷魚等乾貨，
再買些水果蔬菜雞柳，邊打傘邊拿東西，途中電話又到，很煩人呢．

不想吃得太晚，晚餐隨意煮些水餃麫，清清地算了．

至晚上十時許，電話又來了！！我不是全天候on duty的呀！
太晚了，決定不接．

24-25/9/2011 休養生息 ＜上＞

星期六日本是節目多多，有朋友帶隊到深圳看大萬世居兼吃喝，
秋風起又心思思想往露營，最後都因天氣不穩，
不想要回來還要洗洗洗，作罷．
下星期開始還要開田呢！
留些精力下月開始努力，這星期麻，玩玩具去．

上星期在 Le Creuset 展銷中買的玩具之一：Round Grill
全個會場只找到三只Grill，別無其他款式外，一隻拿在別的客人手上，
另兩只就是給自己級朋友留着的了．
這玩具我恨了很久很久，自買進第一隻Le Creuset，沒十年也有八載了，
每年都想找個機會帶它回家，正價時即使自己捨得，亦有人阻止，
待得有特價時，自己單人匹馬又不夠人眼利，不夠人搶．
今年可好，有人陪外亦有朋友落答，雖則是自己付錢，仍買得到心頭好麻．

早兩日講起想吃羊，最近放工後都沒興致出CBD，就在社區內轉，
找香料，找羊肉買去．
到了尼泊爾人叔叔開的小店，想買孜然，他會簡單廣東話，
但不知香料中文外，看着看着，手上的不知是孜然還是小茴香，
反正必是二選一，十元錢大大包，買回去吃過就知了．

沒有進濕街市，附近凍肉店只有羊排，沒有一整排的羊架，反正是羊，也好．
邊解凍，羊排是負18度拿出來，全冰的，放進膠袋再放水中解凍．
邊拿石磨來處理香料：
一大把小茴香＜已證實＞，蒜，薑，黑椒，紫天椒，百里香，可惜家中無黃薑．
磨好加些紅酒，加多把海鹽，抺乾羊排，兩面均勻放調味料，ｏｋ．

煮好四季豆，烏冬，沒買到成排羊架，不想洗焗爐，開grill 算了．
先大火煎好兩面，旁邊放開邊蕃茄，再慢火煎熟，前後約十分鐘，有得吃．

羊膻味不大，有肉味，就是煎得熟過了頭，若七成會更嫩滑．

食譜: 東北菜之 孜然烤羊排

最近在電視上看到烤全羊，心思思想吃又沒有足夠人腳．
香港又還沒找到合心意的食店，一於找找方法，試試在家中dulpicate啦：

version 1:　中式東北風味：

原料： 羔羊排一扇；
調料：
大蔥白、老薑、紅酒、辣椒粉，孜然粉（一種是完全的粉狀的，一種是比較粗點的）；
孜然烤醬：
甜面醬+咖喱粉+孜然粉+鹽+糖（我用的比例是：甜面醬4大勺，咖喱粉和孜然粉各10克，鹽1大勺，糖2大勺）；
做法：
1、羊排洗淨瀝干水，用廚房紙把表面的水分擦乾；
2、將孜然烤醬的調料全部混合在一起調勻；
3、將所有調料和烤醬一起厚厚地抹在羊排上，大蔥白和姜切片，放在羊排上，用保鮮袋裹住醃製一天一夜，中間翻動幾次；
4、醃好的羊排取出用錫紙包好，烤箱200度預熱10分鐘，將羊排放入烤40分鐘；
5、烤了40分鐘後，將羊排取出，去掉錫紙，湯汁倒入小碗中，將羊排放入烤盤，表面再刷一次湯汁和食用油；
6、撒上辣椒粉和比較粗的那種孜然粉，如果你不介意孜然粒的，再撒些孜然粒，放入烤箱烤上色，
大概10分鐘左右，翻面，刷湯汁和油，再烤10分鐘即可。
大概這就是最想吃到的東北風味羊排，但有疑問呀：什麼是甜面醬？糖２大勺？

version 2: 用烤爐煎pan先煎後焗 的簡單羊排

烤羊排材料：
羊排：7隻
黑胡椒：適量
鹽：適量
孜然粉：適量
帶皮大蒜：7-8瓣
橄欖油：適量
醬汁：薄荷葉：一些
小蕃茄：2棵
醋：10cc（紅酒醋、水果醋皆可，微酸不要太甜的）
白酒：10cc
奶油：10g
高湯：20CC作法：1.羊排兩面抹上鹽、黑胡椒、孜然粉靜置20分鐘。
2.平底鍋放入橄欖油及大蒜，將大蒜炸至微焦，讓蒜香融入橄欖油內。
可以將鍋子側一邊讓油跟大蒜的接觸多一點，比較好炸，就可不用太多橄欖油。　3.將大蒜撈起備用，倒出多餘的橄欖油。（這些橄欖油很香，可以炒菜煎料理）

4.將羊排放入原來的平底鍋，大火兩面煎至微焦，放入預熱好的烤箱，200℃20分鐘。
用筷子很容易刺穿羊排就可以擺盤上桌了。

version 3: 西式烤羊排

西式　羊架：
羊排　４條，蒜未　２０ｇ，薑未　１０ｇ
迷迭香　１／２ｔ，italian mixed herb 1/4t
砂糖　１ｔ，烤肉醬　１ｔ，米酒　２T

1.將薑末、蒜末及所有調味料拌勻成醃醬備用。

2.羊排洗淨瀝乾水分，放入容器中，加入作法1拌勻並醃約2小時。

3.取出作法2羊排鋪於烤盤上，將醃料均勻蓋於羊排上，移入預熱250℃ 的烤箱烘烤約5分鐘即可食用。 version 4　西式：烤帶骨小羊排 - 大厚骨頭版 新鮮 rosemary 、乾燥 thyme 、1/4杯balsamic vineger、大蒜、胡椒、鹽、蜂蜜 醃至少一小時 放入350度烤箱 烤 20 分鐘 以 George Foreman Grill 烤一下 加上海鹽即可

16/9 買種子喇

既然同朋友一人一塊田，咁當然種多ｄ野啦，尋日去了上環買種子，真係買到人都癲．

先講開田的骨粉同花生麩，一田一骨二夫，兩田二骨四夫，拿多包夫去浸水，咁就七斤了．
朋友屋企無種開野，一包泥，四十．

種子呢，串串細蕃茄，茄子，櫻挑蘿蔔，羅馬生菜，沙律生菜，菜心，豆苗，紅菜頭，小棠菜，
應該仲有其他的，但成包種子放左係朋友屋企，唔記得，第日加番．