南瓜餅

1/7去了學獨木舟，2/7玩完成個散哂，3/7做義工，今日才有空將早幾天的材料處理：四分一個長南瓜，一半昨晚拿去滾蕃茄薯仔牛肉湯．

話說昨天街市發生小火，到處都很難買餸，連比較貴的超市，豬肉，雞，六時許，早已給搶購一空．於是買包碎牛肉，十蚊蕃茄薯仔，加埋ｄ南瓜，用個煲下面滾湯，上面蒸飯，５分鐘後，炒個菜，加廿蚊义燒，求其開得飯喇．

另一半南瓜，今日將佢變餅．

南瓜：１７５ｇ（去皮切粒後重）
片糖：４０ｇ（厚片約３／５條）
糯米粉：約１１０ｇ，（南瓜蒸完後沒完全倒走ｄ水）

做法簡單，隔水蒸熟南瓜，拿出來加糖用义邊混合邊弄成南瓜蓉，糯米粉分數次下，直至可將其弄成粉團狀，分數等分，用手厭平，可加芝麻在面，煎熟就有得食．

加了芝麻面的容易煎，吃起來較香口，淨南瓜餅的較難煎，但較吃出南瓜原味．

熗炒土豆絲,味噌豆腐蕃茄湯

連續幾天大茶飯後，今日簡單一點，也將雪櫃的東西清一清．

味噌湯：先煮好菜心，拿起．小盒豆腐，玉子豆腐，蕃茄一個，餃子半磅，味噌一湯匙半，容易做的懶人湯．

土 豆絲就煩多了，考刀工的手作仔，久沒拿利刀，切得膽戰心驚，也未能條條同樣組幼，仍有待練習練呀．兩個中型薯仔，切絲後沖水去澱粉滴乾水，去澱粉會令薯仔 炒後爽口．泰國紅辣椒一隻去籽切絲，熱鑊下椒絲爆香，下土豆絲快炒，加適量水，小量醋，黑糖，鹽，簡簡單單又有得食喇．但不知何故，吃下去，味道仍是有所 欠缺似的，也說不上來久的是何味道．．．

熗炒是四川西北一帶的做法，熱鑊炒香辣椒後炒蔬菜的做法，自己很懷念當年在西北吃過的味道，如今想着，大概是欠了一點蒜，醋亦應改為黑醋．還有還有，他們一定會放的味精，這可是我絶不妥協亦學不來的調味．

簡易馬拉糕

簡易馬拉糕

材料:
A) 低筋粉 50g  +  粟粉    10g  + 吉士粉    1茶匙
B) 梳打粉  2g  (1/2 茶匙)  +     泡打粉   1/8茶匙
C) 雞蛋    1隻
D) 黑糖  / 黃砂糖     55g
E) 淡奶  80g
F) 菜油  12-15g 

做法:
1. 將A)+B) 混合後, 過篩備用. (可以加入1/8茶匙鹽)
2. 將砂糖分2-3次加入雞蛋內打起至濃稠. (即蛋漿可以在蛋漿面寫個8 字,一會兒才消失, 請參考韋太教授全蛋打法的Video)
3. 先取少許蛋漿加入淡奶內, 拌勻後分2-3次加入蛋糊內輕手拌勻.
4. 將粉分2-3次加入蛋糊內, 用蛋拂在蛋糊表面輕輕拌勻至沒有粉粒, 才加入第2-3次.
5. 再少量麵糊加入菜油內拌勻, 然後才加入麵精內, 以免攪沉麵糊.
6. 將麵糊倒入巳墊牛油紙的蒸籠內, 蓋上蒸籠蓋或保鮮紙, 放室溫靜止1小時
7. 燒熱一鍋大滾水, 放上蒸架, 蒸籠不要太貼近水面 (否則底層會變擦子膠狀), 將糕放入, 大火蒸約 20-30分鐘.

注:
1. 如無蒸籠, 最後改用無底蛋糕模去蒸, 如用碟去蒸, 糕底難以升發及有沉底現象.
2. 時間蒸長一點會好d, 可以將泡打及梳打粉味散去, 第二天食時再翻蒸, 效果還好 !
3. 初學者, 建議採用分蛋法去做, 過程一定要”輕手” !
4. 加入1/8茶匙鹽入粉內, 可以提升味道, 效果更佳 !

http://irenechanwai.mysinablog.com/index.php?op=ViewArticle&articleId=1608977

海南雞飯

今日好開心在老式店舖找到大小剛好的不锈鋼蒸糕盆，大小高度都適合放入大煲內做一煲兩味，買到新玩具，當然要試下有幾好玩啦．

放工即去買 餸，今晚吃海南雞飯，買好材料開工先處理好隻雞，醃好先放煲內．跟手切香料，薑，蒜，葱頭齊切，加埋有小半碗架，洗好二杯半米，落油開火炒料，後下米，炒 香放蒸盆內，加了細雞湯及水共450ml，即 1:1.1，放埋入煲一次過中火壓佢9min．煮好飯後剛剛好一整盆．

開好火，將兩個薯仔刨絲，榨乾水分，用手將薯仔絲弄成餅形放熱鑊煎，跟手炒埋菜又開得飯了．

一煲兩味又省火又省力，只是整完後個厨房成堆碗有排洗，下次都係放假前整，否則都係諗下先喇．

雞粥，星州炒米

話說昨晚的雞是原隻拿刀义拆肉的，剩番個雞殼當然不想浪費啦，昨晚洗好碗後又將個殼拿去煲粥，夠鐘後咩都唔使理．今日開飯前加水開火煲好粥，邊處理米粉冬菇雞蛋菜，加少少咖喱粉，咁又一餐鮮雞粥連炒米做午餐了．

Ｄ炒米效果不太夠香，應該同隻咖喱粉有關，不知大家有無靚的咖喱粉介紹呢？

椰汁紅豆糕

星期天的少油少糖中式紅豆糕不滑，今日再戰港式椰汁紅豆糕．

椰汁紅豆糕

紅豆 60g  ＜－－今次自己買，用有機的
椰汁 1罐＜－－快達400G
粟粉 80g＜－－用多了10G
水 500mL＜－－無量度，好像少了
糖 140g＜－－用了冰糖120G,雪櫃拿出黎ok,放熱後會甜左d

1.紅豆煮冧去水備用＜－－一杯水，壓了15min
2.椰汁加粟粉拌勻至無粒狀
3.水和糖煮至溶,落(2)攪拌成稀糊(快手順方向攪)＜－－連紅豆做
4.下紅豆煮至粉漿熟,倒入模待涼放雪櫃即可

下次想跟呢個食譜整馬拉糕呀，搵日要去買個蒸籠先得

打風落雨,留在家煮飯算了

一號風球掛了一整天，放工時走在街上也感受到風力，快手快腳買餸回家煮飯算了．前天跟朋友仔行街市時有感有架車仔方便得多，於是買好餸後，走去家品店買埋架手拉車，雖然街市跟家的距離不算遠，但剛才拉著車仔回家感覺輕鬆很多，將來買重材料煲湯也不怕了．

要留飯盒，今日煮多ｄ，冬瓜炆豆卜釀魚肉，煎雞翼，豬排，清炒雜菜．誰知開火時才記起未買薑，蒜頭又用光了，連南乳也只剩下一點點汁！於是先處理好豆卜冬瓜加壓，煮飯，求其豉油胡椒加香料攪掂ｄ肉．為省時，雞翼不等其脆皮了，快手快腳煮埋菜留好飯餸，回家後一個鐘開飯．

話咁快，又可以邊食邊番看錄底的節目，在屋企hea半晚，等飲去濕湯喇．