海南雞飯

今日好開心在老式店舖找到大小剛好的不锈鋼蒸糕盆，大小高度都適合放入大煲內做一煲兩味，買到新玩具，當然要試下有幾好玩啦．

放工即去買 餸，今晚吃海南雞飯，買好材料開工先處理好隻雞，醃好先放煲內．跟手切香料，薑，蒜，葱頭齊切，加埋有小半碗架，洗好二杯半米，落油開火炒料，後下米，炒 香放蒸盆內，加了細雞湯及水共450ml，即 1:1.1，放埋入煲一次過中火壓佢9min．煮好飯後剛剛好一整盆．

開好火，將兩個薯仔刨絲，榨乾水分，用手將薯仔絲弄成餅形放熱鑊煎，跟手炒埋菜又開得飯了．

一煲兩味又省火又省力，只是整完後個厨房成堆碗有排洗，下次都係放假前整，否則都係諗下先喇．