熗炒土豆絲,味噌豆腐蕃茄湯

連續幾天大茶飯後，今日簡單一點，也將雪櫃的東西清一清．

味噌湯：先煮好菜心，拿起．小盒豆腐，玉子豆腐，蕃茄一個，餃子半磅，味噌一湯匙半，容易做的懶人湯．

土 豆絲就煩多了，考刀工的手作仔，久沒拿利刀，切得膽戰心驚，也未能條條同樣組幼，仍有待練習練呀．兩個中型薯仔，切絲後沖水去澱粉滴乾水，去澱粉會令薯仔 炒後爽口．泰國紅辣椒一隻去籽切絲，熱鑊下椒絲爆香，下土豆絲快炒，加適量水，小量醋，黑糖，鹽，簡簡單單又有得食喇．但不知何故，吃下去，味道仍是有所 欠缺似的，也說不上來久的是何味道．．．

熗炒是四川西北一帶的做法，熱鑊炒香辣椒後炒蔬菜的做法，自己很懷念當年在西北吃過的味道，如今想着，大概是欠了一點蒜，醋亦應改為黑醋．還有還有，他們一定會放的味精，這可是我絶不妥協亦學不來的調味．

簡易馬拉糕

簡易馬拉糕

材料:
A) 低筋粉 50g  +  粟粉    10g  + 吉士粉    1茶匙
B) 梳打粉  2g  (1/2 茶匙)  +     泡打粉   1/8茶匙
C) 雞蛋    1隻
D) 黑糖  / 黃砂糖     55g
E) 淡奶  80g
F) 菜油  12-15g 

做法:
1. 將A)+B) 混合後, 過篩備用. (可以加入1/8茶匙鹽)
2. 將砂糖分2-3次加入雞蛋內打起至濃稠. (即蛋漿可以在蛋漿面寫個8 字,一會兒才消失, 請參考韋太教授全蛋打法的Video)
3. 先取少許蛋漿加入淡奶內, 拌勻後分2-3次加入蛋糊內輕手拌勻.
4. 將粉分2-3次加入蛋糊內, 用蛋拂在蛋糊表面輕輕拌勻至沒有粉粒, 才加入第2-3次.
5. 再少量麵糊加入菜油內拌勻, 然後才加入麵精內, 以免攪沉麵糊.
6. 將麵糊倒入巳墊牛油紙的蒸籠內, 蓋上蒸籠蓋或保鮮紙, 放室溫靜止1小時
7. 燒熱一鍋大滾水, 放上蒸架, 蒸籠不要太貼近水面 (否則底層會變擦子膠狀), 將糕放入, 大火蒸約 20-30分鐘.

注:
1. 如無蒸籠, 最後改用無底蛋糕模去蒸, 如用碟去蒸, 糕底難以升發及有沉底現象.
2. 時間蒸長一點會好d, 可以將泡打及梳打粉味散去, 第二天食時再翻蒸, 效果還好 !
3. 初學者, 建議採用分蛋法去做, 過程一定要”輕手” !
4. 加入1/8茶匙鹽入粉內, 可以提升味道, 效果更佳 !

http://irenechanwai.mysinablog.com/index.php?op=ViewArticle&articleId=1608977

海南雞飯

今日好開心在老式店舖找到大小剛好的不锈鋼蒸糕盆，大小高度都適合放入大煲內做一煲兩味，買到新玩具，當然要試下有幾好玩啦．

放工即去買 餸，今晚吃海南雞飯，買好材料開工先處理好隻雞，醃好先放煲內．跟手切香料，薑，蒜，葱頭齊切，加埋有小半碗架，洗好二杯半米，落油開火炒料，後下米，炒 香放蒸盆內，加了細雞湯及水共450ml，即 1:1.1，放埋入煲一次過中火壓佢9min．煮好飯後剛剛好一整盆．

開好火，將兩個薯仔刨絲，榨乾水分，用手將薯仔絲弄成餅形放熱鑊煎，跟手炒埋菜又開得飯了．

一煲兩味又省火又省力，只是整完後個厨房成堆碗有排洗，下次都係放假前整，否則都係諗下先喇．

雞粥，星州炒米

話說昨晚的雞是原隻拿刀义拆肉的，剩番個雞殼當然不想浪費啦，昨晚洗好碗後又將個殼拿去煲粥，夠鐘後咩都唔使理．今日開飯前加水開火煲好粥，邊處理米粉冬菇雞蛋菜，加少少咖喱粉，咁又一餐鮮雞粥連炒米做午餐了．

Ｄ炒米效果不太夠香，應該同隻咖喱粉有關，不知大家有無靚的咖喱粉介紹呢？

椰汁紅豆糕

星期天的少油少糖中式紅豆糕不滑，今日再戰港式椰汁紅豆糕．

椰汁紅豆糕

紅豆 60g  ＜－－今次自己買，用有機的
椰汁 1罐＜－－快達400G
粟粉 80g＜－－用多了10G
水 500mL＜－－無量度，好像少了
糖 140g＜－－用了冰糖120G,雪櫃拿出黎ok,放熱後會甜左d

1.紅豆煮冧去水備用＜－－一杯水，壓了15min
2.椰汁加粟粉拌勻至無粒狀
3.水和糖煮至溶,落(2)攪拌成稀糊(快手順方向攪)＜－－連紅豆做
4.下紅豆煮至粉漿熟,倒入模待涼放雪櫃即可

下次想跟呢個食譜整馬拉糕呀，搵日要去買個蒸籠先得

打風落雨,留在家煮飯算了

一號風球掛了一整天，放工時走在街上也感受到風力，快手快腳買餸回家煮飯算了．前天跟朋友仔行街市時有感有架車仔方便得多，於是買好餸後，走去家品店買埋架手拉車，雖然街市跟家的距離不算遠，但剛才拉著車仔回家感覺輕鬆很多，將來買重材料煲湯也不怕了．

要留飯盒，今日煮多ｄ，冬瓜炆豆卜釀魚肉，煎雞翼，豬排，清炒雜菜．誰知開火時才記起未買薑，蒜頭又用光了，連南乳也只剩下一點點汁！於是先處理好豆卜冬瓜加壓，煮飯，求其豉油胡椒加香料攪掂ｄ肉．為省時，雞翼不等其脆皮了，快手快腳煮埋菜留好飯餸，回家後一個鐘開飯．

話咁快，又可以邊食邊番看錄底的節目，在屋企hea半晚，等飲去濕湯喇．

煮飯試煲日

引得朋友仔買好壓力煲，他後來更發現家中還有其他同品牌的厨具，於是約好去他那邊玩了一天煮飯仔．

晨早吃好早餐就坐地鐵西鐵的往大西北出 發，坐到半路方發現自己忘了帶電話．還好有位男士肯借電話給我先打給朋友．兩個人先去大街市買好材料，幸好有帶手拉車，要不然真的不知如何拿一堆東西回 去．亦好在有車，看見想買的便買，又不用我拿，買好放進車中又有別人拉，so happy．買好菜又要坐輕鐵，下車後還要走段路才到，感覺不夠方便呢．

買好東西，上樓後就要洗洗洗，不是洗菜呀，是洗他家中新的厨具，新鑊，新鑊鏟，新內煲，新糕盆．全部新簇簇閃亮亮的，用起來超爽．

山長水遠去試煲麻，當然多煮示範用具不同功能的菜啦，燉竹絲雞，雜菜烏冬，紅豆糕，意式海鮮飯，炒菜心，粉葛鯪魚扁豆赤小豆豬展湯，香煎豬頸肉．由下午一時多，煮到下午七時．中間當然有少少hea，吹吹水，吃下製成品啦．

一次過做了：蒸，炒粉面，炒菜，煎魚，煎肉，燉，煲湯，仲有魚，蝦，雞的處理，用刀法．其實呢套煲，仲有個功能：可以用鑊整蛋糕，梳夫里等．一口氣做了這麼多，不知朋友仔又記唔記得哂，何時會成為新一代厨房男，可以係露營時大顯身手呢？

其間，阿姨問及，你很喜歡煮飯嗎？對著這個問題，其實真的很想告訴她，人生在世，有很多事情是不得不做的，既然是必需要做，那為何不試著去喜歡，去欣賞？帶 着個歡樂的心去做事，效果會更好吧．再者，看着吃的人的歡樂，間中有時間煮個好菜也是挺值得的．又問，你出去學過煮菜嗎？心想：認真想學東西，又豈止有出 去學一途徑呢？上上網看看別人心得，借書看食譜，多聽多問，有時電視節目也有些許用有資料，＜雖然很多時信不過＞．相信，這就是所謂的終身學習．

物盡其用,煮多d好野食

最近有朋友仔迷上自家煮食，早幾天買鑊後更買埋個高速煲，開始其美男厨房生活添．
前天有空上網看煮食教學短片，心癢難刪，雖然平日也有煲湯，但這幾天很努力分時間用下ｄ煲同鑊．

海帶綠豆沙--30min，陳皮紅豆沙--30min，薯仔炆排骨--5min，黑椒牛柳絲炒面--買好菜回家後40min，羅漢果南北杏菜乾湯--30min，猴頭菇花膠煲豬展--30min．

這幾天工作已忙得要命，現在又心思思想包下糭蒸下糕，何時才有空呀．．