住家豆漿

近日聞奶色變，無得飲，於是的起心肝整豆漿．細細個睇阿媽整得多，次次都係大製作，整埋豆花．現在人少，最重要想新鮮ｄ，日打日日清，飲哂佢唔好煩要放雪櫃．

先由黃豆開始，以前一般浸過夜，簡化版是三小時．前人磨豆漿就於此時加水以石磨弄成豆水，布袋隔渣再煮．懶人改良版是以壓力鍋蒸10分鐘．

上面是125ｇ豆，約分三次用，每次約做700ml．
取用適量加飲用水，怕攪伴機過熱，分數次打，打到ｄ豆碎哂，最後加糖再打一會即成．煲都省埋，成粒豆飲哂落肚．淨豆漿太齋，可以加香蕉或麥皮或兩者齊打．

加麥皮味較香濃，出來效果質地亦較厚，頗creamy，早餐飲了，人整天都會精神ｄ．

善用資源--芝麻糊

早幾天把打入冷宮成年的blender找了出來，目的是打蔬果汁．發現盒內附送的乾打部件從未開封，連膠袋也未拆，一於買些芝麻，同佢開幕．

$12買來半斤黑芝麻＜街市呃稱呀，得六兩乍＞，先打一兩白米成粉作開漿水用．取三兩黑芝麻先於白鑊焙香．

放涼後放到乾打機打成碎，芝麻含油量高，打完變成一團團的．

接著分兩次共加水五碗打勻，打完內有不少泡泡，變成灰色．

打完加冰糖煮，本來灰色，煮一陣會變番黑色，熟左加米粉水，就有得食喇．

部攪伴機是平價貨，並非能連核也打碎的機種，所以芝麻糊入口有ｄ芝麻碎．可幸食落都幾好食，就當同自己加纖啦．自己煮前後攪左大半個鐘，但所得食物無附腐劑，食得心安理得．

國慶後－－燒秋刀魚

昨天的燒烤意猶未盡，到超市買東西時忽見有一包三條急凍秋刀魚，只售13元，見價錢不貴，早前在大漁吃過燒烤味道也不錯，決定買回家中自己動手整．
回到家中第一件事是解凍：

一於成包魚放到升盘中浸水，待其不再僵硬後，以鹽洗之． 接著，以粗海鹽調味，並放半小時．

之後就可以上爐燒了

因為心急，第一條魚燒得不太香口．第二，三絛魚，比較金黃，亦因為燒得太香了，一眾貓貓就在屋中團團轉，從厨房到吃飯枱來回走，左聞右聞的找魚香自何處來．
皆因全屋都是魚味，牠們就給弄得轉轉轉了．又因要守著魚兒，後來二條靚仔ｄ既都無得影相了．
秋刀魚是原條燒好才開邊把內臟和骨頭拆掉進食的，吃起來比街外店舖做的更好，也許是熱辣辣，及整屋香氣的關係吧．
一包魚三條，一條人食，一條拆骨三貓分享，一條送給了樓下保安姨姨．
拿東西乘電梯時都聞得手上食物傳來陣陣香味呢．呵呵！

今次整完至知，原來秋刀魚跟沙甸魚，多春魚都是很多油，沒魚鱗的．
燒好一包魚後，發現燒爐下面整個底盤都是油，有6mm深呢！
真的很肥很油呀．為何身軀這麼小，油卻比雞還多呢？
那之前超市出事的油魚，咪仲恐怖？
這種魚往後也是少吃為妙了．
PS：吉之島見到日本秋刀魚，肥美少少，約16元一條，下次自己去b時可以買黎試一試，睇睇有咩分別．

國慶日－－自家屋企bbq

國慶日無端端多了一天假期，沒有約人行山，訓到日上三杆後心思思想食燒烤食品，＜都好肥仔架，但醫師叫我食多ｄ肉呀麻＞，最後決定到街市買貝殼類東西自己攪．
街市買了半打扇貝同五隻帶子，47元．用蒜蓉燒．買的時候記緊別買紅白兩白的扇貝，味道較淡．街市仲見到聖子同龍蝦，但得二個人，點食咁多野呀，一於唔好貪心，留番下次．
 

過程非常簡單，就係洗乾淨，加調味，開電燒烤爐，跟住就等食喇．

食起黎扇貝比帶子滑，帶子則較甜口，下次還是買扇貝加龍蝦好了．
肉類全是在惠康凍肉部磅計的，一包包預先pack好的無咁好食，又無咁新鮮架．
有人推介到街市某小店買豬排，但幾經辛苦找到後，發現那兒衞生環境麻麻地，最後還決定到超市比佢賺．