善用資源--芝麻糊

早幾天把打入冷宮成年的blender找了出來，目的是打蔬果汁．發現盒內附送的乾打部件從未開封，連膠袋也未拆，一於買些芝麻，同佢開幕．

$12買來半斤黑芝麻＜街市呃稱呀，得六兩乍＞，先打一兩白米成粉作開漿水用．取三兩黑芝麻先於白鑊焙香．

放涼後放到乾打機打成碎，芝麻含油量高，打完變成一團團的．

接著分兩次共加水五碗打勻，打完內有不少泡泡，變成灰色．

打完加冰糖煮，本來灰色，煮一陣會變番黑色，熟左加米粉水，就有得食喇．

部攪伴機是平價貨，並非能連核也打碎的機種，所以芝麻糊入口有ｄ芝麻碎．可幸食落都幾好食，就當同自己加纖啦．自己煮前後攪左大半個鐘，但所得食物無附腐劑，食得心安理得．