糯米雞

聽講朋友去露營,想買糯米雞去蒸做早餐,攪攪震的我,
當然要導佢升仙啦!

糯米雞,自己整完帶去露營宴客,又有何難度?(可能最難是找個夠大的冰袋及孔武有力的壯士負起重擔)簡單過做西式餅啦.

糯米雞

材 料 : (4隻)
糯米  1斤     荷葉  2 塊 (藥材舖有乾貨賣)

糯米調味料: 鹽 1茶匙 + 2 茶匙生油

餡料:
雞腿肉 1隻 (改用雞翼或豬肉亦可)  / 冬菇 4粒 (預先浸軟切粒)
叉燒 4 片 / 臘腸半條 (切片)

(我鐘意多材料,會自行在上面份量中再加,調料亦請自行加減)
雞肉醃料 : (醃15-20分鐘)
雞粉 1/2 茶匙 / 蠔油 1 茶匙 / 生抽 1茶匙
砂糖 1/4 茶匙 /生粉 1 茶匙 / 麻油 、胡椒粉少許 
芡汁 :
蠔油 1湯匙 + 生抽 1 茶匙 + 雞粉 1/2茶匙
砂糖 1/4茶匙 / 麻油、胡椒粉少許
生粉 1茶匙 + 水 2茶匙 (拌勻)

做 法 :
1. 糯米用水浸2-3小時後, 洗淨瀝乾水份, 然後將糯米調味加入拌勻.
2. 用鑊燒熱水, 將一塊白布放在蒸架上, 將全部糯米放在白布上, 隔水蒸約20-25 分鐘至熟. 放涼後將糯米分成8等份.
3. 用少許油起鑊, 加入雞肉爆炒至熟後 (如加冬菇或臘腸在這時可入爆炒), 將芡汁加入炒勻後加入生粉水埋芡. 並將餡料平均分成4份.
4. 將荷葉用滾水煮片刻至軟身後, 取起過冷洗淨後瀝乾水備用.每塊裁剪成2份或四份.
5. 先將一塊荷葉抹乾放在檯上, 先鋪上一層糯米飯, 然後放上一份餡料在飯上, 再蓋上另一層糯米飯, 並把荷葉摺入包好.將糯米雞放入蒸籠內,隔水蒸約15分鐘即成.

注 :
1. 如果想改做珍珠雞, 可以將份量再分多幾份. 荷葉再裁剪多份或買 多一塊.
2. 餡料是乎個人喜愛加入.